DILI, 10 de Novembro 2026 (I-KLIK.INFO)-Liuhusi seminariu neebe organiza husi CA-Max Sthall iha salaun auditoriu UNDIL, sobrevivente masakre santa kruz Josefina Maia haktuir momentu militar Indonesia sira fo sinal atu tiru iha semiteriu santa kruz sira nia malu mane sira orienta feto sira hodi tama hotu ba rate laran maibe sira lakohi tama hodi hatan sira mos hakarak halo manifestasaun iha liur.
“ami hamriik iha liur entaun hino tula sira nia militar nee ba volta iha santo yosep nee tesik mai kanta iha sira nia karreta laran sira para tiha iha kruzamentu EPD nian hino nia oin fila sae ba ponte myfriend nia nee iha tentara ida maka nia haksoit nia tiru ida sae ba loron dehan ayo tembak nia haksoit nia kolega sira rejada tuir ona” haktuir sobrevivente Josefina Maia, (10/12).
Nia haktuir tan, militar sira nia asaun tiru nee tiru tuir ema deit nunee sira resteza iha rai no iha sira nia kolega balun mai lao deit iha sira nia leten hodi salva moris, nunee husi resteza nee besik iha moru hun nee nia sente iha ninia isin nee bokon ona maibe nia lahatene kartuz kona nia tanba kartuz kona foun foun nia la sente maibe nia raan hahu sai barak.
“hau fila ba hau nia kolega sira nee dehan kartuz kona ona hau, hau sei konsege koalia hanesan nee entaun depois hau hasai hau nia lensu ida hahu koko atu taka mais tanba nakles iha hau nia ruin, entaun hau dehan hau labele ona tanba dader hau nia raan sai barak tan” nia haktuir.
Nia esplika tan, tanba nia kanek neebe todan tebes nia husu ajuda ba labarik mane nain rua neebe too agora nia mos la hatene labarik nain rua nee mate ka moris no labarik nain rua nee hanoin nia mate ona entaun labarik nain rua nee sadere tiha nia ba rate no taka sira matan too meia ora mak nia sente an fali hodi loke matan haree ba rate laran maibe ema laiha hotu ona maibe militar sira maka lao hela iha rate laran no nia hanoin ema sira barak nee mate hotu ona.
“lakleur militar nain 4 mosu mai no militar ida hanteten dehan kalau dapar sisanya dihabisi hau rona hanesan nee hau hein saida maka atu akontese ba hau, sira mai hau hateten Nai momentu nee hau nia vida hau entrega iha ita boot hodi hein saida maka atu akontese bah au” dehan nia.
Nia esplika tan, militar sira hakbesik nia no nia mos book an hodi loke matan entaun militar ida hateten ida sei moris hela no militar hakbesik ba nia lori botas sama nia oin dala rua no foti tan kilat fahi iha nia ulun, depois sira rasta nia maibe laos rasta hanesan ema mibe hanesan animal, nunee sira dada nia mai too iha portaun hodi hatama ba ambulansia militar nia.
Hafoin tula sira ba ambulansia lori sira sae ospital wirahusada iha tuku 11 dader maibe laos ba ospital maibe lori fali sira ba mortuariu antes too mortuariu mate isin hada naruk tiha ona maibe karreta hino kontinua tula mate ba hodi militar sira soe tama ba mortuariu, militar sira haruka sira tuun husi ambulansia maibe tanba nia sente moras tanba ulun neebe sira sama no fahi ho kilat liuliu nia kanek neebe anin kona la auguenta ona no nia sente nia mate nee iha tiha ona nia matan.
Jornalista: Silvino Freitas
