DILI, 10 de Novembro 2026 (I-KLIK.INFO)-Liuhusi seminariu neebe organiza husi CA-Max Sthall iha salaun auditoriu UNDIL, Prezidente Komité 12 Novembro Grigorio Saldanha ‘Mouris’ apela ba joven akademiku sira atu kontrola no tau matan lisuk ba pratika demokrasia lalaok governasaun neebe lao iha ita nia rain, tanba joven estudante akademiku sira maka iha forsa enerjia neebe foun hodi kontinua luta joven resistensia sira nian.
Prezidente Komité 12 Novembro Grigorio Saldanha ‘Mouris’ dehan, iha faze indepedensia ida nee joven sira mak iha papel neebe importante atu halo transformasaun maski dadaun nee joven sira resistensia balun sei moris maibe joven sira agora maka iha kapasidade neebe produtivu tebes ho enerjia neebe foun hodi aprende husi pasadu joven resistensia neebe balun moris no balun mate ona atu bele halo mudansa neebe diak liu.
“kuandu status kuo nee mak permanese maka hodi laiha mudansa maka dezenvolvimentu laiha vida no ejiji imi joven sira atu aprende no hahu pratika demokrasia hodi sai hanesan forsa kontrola” dehan prezidente Komité 12 de Novembro Gregorio Saldanha ‘Mouris’ iha salaun auditorium UNDIL, (10/11).
Nia dehan, joven sira estudante maka iha kbiit tanba hanesan ema akademiku neebe iha espasu neebe diak liu hodi tau matan lisuk ba lalaok governasaun tanba kritiku mak parte importante iha lalaok demokrasia nunee kuandu laiha kritiku mak sei laiha dekomkrasia, nunee mos kritiku neebe diak liu maka tenke aprezenta proposta solusaun.
“kuandu ita kritika deit sala ita la aprezenta solusaun mak ida neebe, nee uluk bapa nia tempu ami aprende ida ne’e kritika neebe konstrutivu no hatudu solusaun” nia sujere.
Nia dehan tan, tanba joven sira neebe dadaun nee iha enerjia no forsa nunee sira iha oportunidade husi eskola no siensia tanba nee tenke halo diak liu, tanba nee joven sira agora tenke halo kontribuisaun neebe diak liu tanba demokrasia moris kuandu ita tau matan lisuk ba demokrasia lalaok governasaun nunee ema neebe ukun sidadaun hotu iha obrigasaun moral atu tau matan lisuk maibe tenke lao tuir regra sira katak karik ida neebe la diak entaun ida diak mak ida neebe.
Jornalista: Silvino Freitas
