DILI, 10 de Novembro 2026 (I-KLIK.INFO)-Liuhusi seminariu neebe organiza husi CA-Max Sthall iha salaun auditoriu UNDIL, sobrevivente masakre santa kruz Josefina Maia haktuir funeral ba matebian sebastiao gomes nia la konsege asisti tanba altura neeba nia hahu ona eskola hodi halo nia estudu iha instituto pastral Indonesia (IPI) maibe hafoin semana ida sira simu konvite husi familia sebastiao gomes atu iha loron 12 fulan novembru sir aba tuir misa aifunan midar nian iha igreja motael.
“maibe altura neeba ami rasik mos seidauk hatene katak sei iha manifestasaun ami hatene katak manifestasaun nee iha maibe laos akontese iha dader muda fali ba loraik” haktuir Josefina ba ninia partisipasaun iha masakre 12 Novembru 1991, (10/11).
Nia haktuir tan, besik ba momentu neeba iha loron 10 atu ba 12 sira joven sira iha surikmas halibur malu hodi halo kontribuisaun hodi sosa sira hena ho polix hodi halo espanduk nunee iha loron 11 kalan iha uma ida vizinu neebe mamuk entaun sira uza uma refere atu mane sira bele pinta espanduk nunee sira feto sira mak halo seguransa tanba altura neeba iha intelejen Indonesia nian neebe tau matan hela ba mane sira, tanba situasaun iha momentu neeba ema sempre hafuhu sira nia atividade.
“entaun ami hateten hanesan nee imi mane halo servisu ami fato pronto fo seguransa ami halo kafe iha mana Fernanda nia uma neebe sempre halibur joven sira hotu too 12 oras kalan pinta hotu mana Fernanda dehan ita tenke ba deskansa ona para dader ita hadeer sedu ita ba missa” dehan Josefina.
Nune iha dader sira halo sinal ba malu liuhusi soe fatuk rahun ba uma leten hodi hader prepara ba motael, nunee mana Fernanda kari fatuk rahun ba uma leten nunee sira hotu hadeer hodi prepara an nunee iha dader 5 oras sira sai husi uma bolu malu hodi ba hein bemo iha rotunda surikmas, nunee husi nia hanoin katak sir aba motael uza ropa formal missa nian hodi ba tuir missa maibe ba too iha motael sira haree situasaun oin seluk.
“altura neeba tauk nee ba ami laiha mezmu bapa barak hela hanesan nee moos ami nafatin semangat, ami la tauk buat ida mate nee laiha ami hanesan kontente loos depois ami bidu maski bapa military sira ankatan laut iha sira nia roo ami kontinua marsa nafatin” haktuir Josefina.
Jornalista: Silvino Freitas
