DILI, 22 de Outubru 2026(I-KLIK.INFO)- Vise Ministru Komersiu Yan Dong husi Republika Popular China hasoru malu ho Ministeriu Comersiu Industria (MCI) Timor-Leste hodi reafirma kooperasun iha area ekonomia no komersiu ne’ebe antes nee asina ona iha Xina, tanba produtu husi Timor-Leste barak mak tama iha merkadu Xina hasoru problema regulamentu iha alfandega maibe husi sorumutu entre governante rai rua ne’e absolve liuhusi Xina nia prontidaun atu aplika zero tarifa no prepara plataforma balun atu halo promosaun ba produtu husi Timor-Leste.
MCI Nino Pereira dehan, husi vizita Vise Ministru Komersiu Yan Dong Republika Popular China Timor-Leste ho Cina reafirma hikas kooperasun ne’ebe asina iha fulan jullu tinan 2024 ne’ebe hasoru malu entre Prezidenti Repúblika Timor-Leste ho Prezidente Repúblika China hodi asina akordu entre Ministru Koordenador Asuntu Ekonomia Kalbuadi Lay ho Ministru Komersiu Cina Rein Tao husi kooperasun nee abranje progresivu hodi aselera oportunidade ekonomia ne’ebe nasaun rua iha, nunee Timor-Leste hakarak nakfilak oportunidade ekonomika refere iha relasaun komersiu ne’ebe maka metin liu tan.
“China maka sai destinasasaun esportasaun ne’ebe ho merkadu ne’ebe boot nasaun Cina iha ida ne’e hanesan oportunidade ne’ebe diak tebes ba Timor-Leste” dehan MCI Nino Pereira hafoin asina kooperasun ne’ebe realiza iha MCI Mandarin, (22/10).
Nia dehan tan, dadaun nee produtu husi Timor-Leste balun tama hela iha merkadu Cina nian ne’ebe iha moos problema liga regulamentu iha alfandega maibé husi enkontru entre MCI ho Visi Ministru Komersiu Cina nian ho afirmasaun katak Cina aplika hela zero tarifa ba Timor-Leste inklui Cina mos prepara plataforma balun ati halo promosaun ba produtu husi Timor-Leste ne’ebe esporta ba nasaun Cina, nune’e governu ho seitor privadu micro pequena no media empreza sira tenke aproveita oportunidade promosaun sira husi espozisaun sira ne’ebe akontese iha Cina.
“Hanesan foin lalais ita mos partisipa iha Cina Asian Expo eventu ne’ebe boot tebes, ita apoiu mai husi governu Cina nian atu fo oportunidade ne’ebe barak liu tan ba ita nia seitor privadu sira no komersiante sira atu bele haree oportunidade ida hodi halo kooperasun ne’ebe maka aas liu tan ho seitor privadu sira iha Cina” dehan Nino Pereira.
MCI Nino afirma tan, husi vizita refere hatudu dalan atu halo investimentu real ne’ebe ita buka hodi diversifika ekonomia no produtu, nunee tanba liga ba merkadu ASEAN nian Cina moos halo kooperasun atu tulun iha area asistensia teknika hodi kapasita funsionáriu sira no oportunidade barak liu tan kooperasun sira seluk nunee MCI sei hamutuk ho Ministériu Komersiu Cina atu halo estudu ida ba kooperasaun refere hodi nakfilak ba asaun sira ne’ebe konkreta.
Jornalista: Silvino Freitas
