Dili, 22 Outubro 2026 (Iklik News) – To’o ohin loron Governu Australia ho Timor-Leste, liuhusi projetu greater sunrise kontinua halo negosiasaun, hodi buka solusan nebe bele fo benefisiu hotu ba nasaun rua.
Iha visita ofisial iha palacio Prezidensial, ba ABC News Vice Primeiru Ministru Australia, Richard Marles hatan konaba medida ne’ebé Governu Austrália halo, atu aselera dezenvolvimentu projetu Greater Sunrise iha Timor-Leste, Richard Marles esplika, Austrália kontinua servisu besik ho Timor-Leste kona-ba akordu tékniku sira ne’ebé relasiona ho Greater Sunrise.
“Kona-ba Greater Sunrise, ami servisu hela besik tebes ho Timor-Leste kona-ba akordu tékniku sira ne’ebé hale’u Greater Sunrise. prosesu ne’e hotu ona, no agora daudaun la’o hela hodi garante katak akordu sira ne’e tau ona iha fatin,” Marles hateten.
Tuir Marles, iha faze agora, responsabilidade atu avansa projetu ne’e sei depende mós ba parseiru empreza konjunta (joint venture), ne’ebé presiza hala’o prosesu tuir dalan komersiál.
“signifika katak ne’e sai asuntu ida ba parseiru empreza konjunta (joint venture) atu halo tuir dalan komersiál nian, hodi bele halo ida ne’e, no ami hein hela servisu ne’ebé sira sei prodús,” nia afirma.
Jornalista: David da Costa
