Dili, 15 de Setembro de 2026 (I-Klik.info): Liuhusi sesaun solene IV lejislativa iha sesta lejislatura nian Bankada Partido Frente Revolusionariu Timor Leste Independente (FRETILIN) husu ba deputadu sira atu halo reflesaun ba lejislativa tolu ne’ebé ultrapasa ona liuliu problema iha seitor saude ne’ebé sempre kestiona husi bankada opozisaun no sosiedade tomak inklui Xefe Governo Xanana Gusmão mós rekoñese seitor saúde iha problema maskí bankada governu defende makaas katak seitor saúde laiha problema, nune’e husi sesaun solene ne’e Partido FRETILIN hatoo parabéns ba Primeiru Ministro Nonu Governu Konstituisional Xanana Gusmão ne’ebé iha entrevista balun rekoñese katak seitor saude kontinua iha problema.
Xefe Bankada FRETILIN Aniceto Guterres dehan, sesaun lejislativa ida remata hahu ho lejislativa foun, nunee ohin hahu tan ona lejislativa foun iha sesta lejislatura nian nian, nunee husi sasaun foun nee tenke halo reflesaun ba sesaun tolu ne’ebé hakat liu ona hodi hatene parlamentu halo servisu fiskalizasaun no dezisaun polítika ne’ebé justu, honestu no reprezenta duni Timoroan tomak nia interese iha iha sasaun datoluk ne’ebé ultrapasa ona.
Aniceto dehan tan, Timor Leste sei hasoru hela problema oioin neebe sei hasoru nafatin iha seitor sira sosiál, polítika, justisa no ekonomia maibe husi parlamentu nasionál menus kontrollu bazeia ba onestidade justisa no boa governasaun espesialmente ba deputadu sira ne’ebé foti papel hanesan maioria parlamentar nian, nunee mos nia destaka espesial ba problema iha sistema saúde ne’ebé kontinua infrenta menus aimoruk no ekipamentu mediku sira no hahu husi primeira sesaun lejislativa nian bankada opozisaun sira hatoo preokupasaun sira kona-ba problema saúde tanba fo ameasa ba povu sira nia vida inklui sosiedade ne’ebé hatoo preokupasaun ba problema iha seitor saude.
“Maibe bankada governu sira durante ne’e defende tebes dehan laiha problema buat hotu di’ak hela maske situasaun iha terenu oin seluk no too agora seida’uk rekoopera, ikus mai Xefe Governo iha entrevista ida rekoñese katak iha duni problema iha sistema saúde, Parabéns ba Eselensia Senor Primeiru Ministro ba ita boot nia korajen no Onestidade, ita hotu orgullu ho lider ida hanesan ne’e” dehan xefe bankada FRETILIN Aniceto Guterres liuhusi intervensaun iha sesaun solene ba kuarta lejislativa ba sesta lejislatura iha parlamentu nasionál, (15/9).
Husi sesaun refere xefi bankada FRETILIN Aniceto Guterres apela ba deputadu sira husi bankada governu atu labele halo polítika hodi atinji de’it objetivu eleitorál maibé tenke haree diferensa partidaria labele sai bareira atu bele rona malu hodi salva povu nia saúde, rona malu la presiza tenke iha bloku ida de’it maibe mos tenke rona sosiedade-sivil no igreja nia opiniaun hodi hadia prestasaun servisu ba povu nia interese moris di’ak nian.
Jornalista: Silvino Freitas
