Dili, 8 de Setembru 2026 (I-Klik.info): Embaixada Xina iha Timor-Leste apoiu doasaun osan ¥100.000 ba ACT(Asosiasaun Kafé Timor) hodi apoiu kafe kultura sira hodi hadia kualidade kafe inklui, nune’e hasae hikas kuantidade kafé, maibé ACT preokupa ho kuantidade produsaun kafé ne’ebe menus no la responde ba merkadu internasional.
Vise Prezidenti ACT (Asosiasaun Kafé Timor) Afonso de Oliveira dehan, sira hahu promove ona kafé timor iha Xina liuhusi expozosaun sira ne’ebe partisipa husi rai barak ho espesialista oinoin, nunee kafé timor atrai tebes partisipante sira iha expo refere, tanba nee tinan ida nee sira sei nafatin apoiu kafé kultor sira ne’ebe dadaun nee sira apoia hela no aumenta mos grupu sira seluk nune’e bele hadia kualidade no ai oan sira atu aumenta produsaun no produtividade.
“Dezde ami funda ACT problema boot nee laos kualidade maibe problema boot mak kuantidade la too, tinan hirak liu ba ne’e haruka ba Xina tonelada 200 resin nee boot ona, hau rasik vizita ona Xina ne’ebe iha kapasidade boot atu sosa ita nia kafe no iha ne’eba kafé timor nee konesidu tebes tanba promosaun ita halo” dehan Vise Prezidenti ACT iha Fatuhada, (8/9).
Nia dehan tan, durante ne’e sira apoiu kafé kultor balun iha Aileu iha suku Krilelo ne’ebe halo reabilita no makina prosesamentu sira ne’ebe iha diferente nunee sira lori mos embaixada Xina ba haree kafé ne’ebe uza sira nia osan hosi halo rehabilitasaun atu bele fo satisfeitu ba sira nia apoiu ne’ebe sira halo ba ACT, tanba apoia sira nia halo kuantidade kafé aumenta nunee sira hakarak atu halo mos programa hanesan ba grupu seluk.
“100 mill yen nee maisoumenus $14 mill nee uituan ita nia grupu nee barak ne’ebe ita lakonsege kobre hotu, mais nee dalan ida ita hahu oan atu bele sira bele aumenta sira nia apoiu kuandu ita hatudu ita nia kapasidade ho rezultadu diak ba sira, merkadu laiha ona problema mais problema mak kuantidade” dehan Visi prezidente ACT.
Nia dehan tan, kona-ba merkadu dadaun kompaña ida husi membru ACT mak esporta kafé ba merkadu Australia ho tonelada 700 maibe iha tan merkadu seluk hanesan Xina Korea New Zealand Singapore Indonesia no Amerika Norte, tanba nee merkadu dadaun ne’e aberta hela no sosa nain sira hakarak aumenta kuantidade maibe preokupasaun maka kuantidade kafé ne’ebe menus ba dadaun, nune’e planu ba futuru ACT hakarak hadia plantasaun hodi aumenta produsaun tanba atu hadia kualidade maibé kafe laiha oinsa bele hadia kualidade.
Jornalista: Silvino Freitas
