DILI, 20 de Outubro de 2026(I-KLIK.INFO)-Oxfam iha Timor Leste (OiTL) fahe analiza no deskobrimentu sira ne’ebé hetan iha komunidade husi sira nia monitorizasaun, ba jornalista sira liuhusi média briefing atu iha ambitu prosposta orsamentu jerál estadu nian jornalista sira bele halo konfirmasaun ho governante sira.
Jestor Governasaun Rai iha Oxfam Zeca Nunes dehan, briefing ba jornalista sira Oxfam foku ba justisa klimatika, justisa ekonomia no justisa jeneru nunee iha justisa klimátika Oxfam informa ba jornalista sira liga ho preparasaun governu nian ba El-niñu ne’ebé foku ba dezastre no finansiamentu klimatika husi alokasaun orsamentu fundu verde nian atu aloka ba nesesidade komunidade rural sira liuliu feto sira nunee iha justisa jeñeru Oxfam informa ba jornalista sira liga ho feto nia direitu ba rai no rejistrasaun rai ne’ebé durante ne’e depois sukat rai husi Sistema Nasionál Cadastrais (SNC) feto ho pursentu 20 mai kraik mak rejistu sira nia rain relativamente ho deklarasaun Maubisse no planu asaun anual SEI nian ne’ebé hateten tinan 2027 too 2030 feto sira bele rejista ona sira nia rain.
“iha minisiteriu justisa mos mensiona katak sira sei halo sosializasaun lei rai entaun ami rekomenda katak liuliu ministeriu justisa atu halo sosializasaun fazeadamente liuliu ba lei sira ne’ebé importante ba komunidade sira hanesan lei numeiru 13/2017 nomos lei numeiru 8/2017” dehan Zeca Nunes iha Oxfam Hudi-Laran, (20/10).
Nia dehan tan, husi briefing ne’e mos sira informa ba jornalista sira liga ho empregu liga ho orsamentu ne’ebé propoem ona husi governu katak sei suporta mos empregu nian maskí polítika sira nee iha maibé presiza alokasaun orsamentu ne’ebé adekuadu ba planu refere, tanba maioria maioria joven dezempregu iha Timor Leste no ida mos bele kontribui ba kiak no konflitu sosial sira ne’ebé akontese, Oxfam mos husu ba governu atu ko’alia ba dezastre natural sira tempu bailoron naruk ne’ebé sei akontese bee sei menus ka bee laiha, nune’e governu tenke investe ba iha infrastructura bazika sira kona-ba bee moos agrikultura no seitor produtivu sira hanesan agrikultura no turizmu sira.
Jornalista Teodosia dos Reis husi Radio Liberdade dehan, sesaun briefing ba jornalista sira hanesan mata-dalan atu jornalista sira bele hatene saida mak prioridade ba feto sira no ema ho difisiente sira ne’ebé jornalista sira presiza halo konfirmasaun ho governante sira nune’e husi briefing ne’e ajuda jornalista sira atu bele halo kobertura ne’ebé sensivel liu tan ba asuntu jeneru feto labarik no ema ho difisiente sira.
Jornalista: Silvino Freitas
