DILI, 16 de Outubro de 2026 (I-KLIK.INFO)-Ministra Edukasaun (ME) hamutuk servisu edukasaun nasionál no municipal distribui materia ezame nasionál ano letivu 2026 ba estudante finalista ensinu baziku nonu ano no ensinu ekundaria desimu segundu ano, nune’e estudante sira ne’ebé atu tuir ezame final ba tinan ne’e hamutuk alunu 51,188 kompostu husi sekundaria jeral siensia tekonolojia iha 11,664 sensia sosiais no umanidade alunu 10,451 hamutuk alunu 22,100 no Eskola Teknika Vokasional iha kursu 4 maka eskola teknika alunu 1684, eskola ekonomia komersiu alunu 843, eletrisidade otelaria no turizmu alunu 358 eskola agrikola no peska alunu 578 no asistensia enfermajen alunu 26 nomos iha ensinu baziku alunu 25,267, husi total alunu ne’ebe partisipa iha ezame iha sentru ezame hamutuk 552 iha teritorio tomak ensinu baziku iha sentru ezame 349 ensinu sekundaria jeral sentru ezame 150 no ESTV iha sentru ezame 53.
Ministra Edukasaun Dulce de Jesus dehan, ministeriu hamutuk ho servisu edukasaun nasionál no munisipal halo lansamentu ba distribuisaun ba materia ezame nasionál ba anu letivu 2026 neebe ezame nasionál sei hahú iha dia 19 too 22 Outubru, nune’e husi distribuisaun ne’e diretor sira sei lori materia sira akompaña husi polísia nasionál hodi lori materia sira ba too fatin ne’ebé asegura materia sira hodi too eskola nune’e estudante sira bele halo ezame tuir orariu ne’ebé iha ona.
“Inan aman sira atu apoia oan sira hodi kria kondisaun ne’ebé saudavel iha uma nunee mos iha ambiente ne’ebé estudante sira hela ba liuliu ba estudante ensinu baziku nonu ano no ensinu sekundaria desimo segundu anu hodi bele iha kondisaun saúde ne’ebé di’ak no preparasaun neebe di’ak” dehan Ministra Dulce iha salaun Impresaun nasionál Comoro, (16/10).
Nia dehan tan, ministeriu edukasaun iha implementa nafatin programa edukasaun inkluzivu nunee iha tinan ida nee sira halo mudansa uituan hodi akomoda purvolta labarik estudante 35 ne’ebé mai ho sira nia nesesidade espesial oioin no liuliu ba estudante feto sira ne’ebé maka situasaun la permite sira ministeriu edukasaun sempre loke odamatan atu sira mosu mai nunee ministeriu edukasaun bele fasilita sira nia prosesu ezame nasionál.
“Iha pratika ezame nasionál ita iha mos segunda xamada nee ba estudante sira neebe balun tuir hela atividade desportu iha nasaun seluk ministeriu desidi atu fo segunda xamada ba sira” dehan Ministra Dulce.
Nia dehan tan, aplikasaun kurikulum ba estudante sira ne’ebé tuir ezame tantu husi primeira xamada no segunda xamada hanesan uza metodu sira maka pursentu 40 momorizasaun no komprensaun, pursentu 40 ba komprensaun no pensamentu kritiku no analitiku no pursentu 20 ba pensamentu krítiku no analitiku maibé ho rezolusaun problema.
“Sira ne’ebé moras ami seida’uk iha dadus maibé siran ne’ebé ba tuir jogu iha rai liur 10 resin de’it” dehan Ministra Dulce.
Fatin hanesan Sekretáriu Estadu Ensinu Sekundaria Jeral no Tekniku Vokasional Domingos Lopez dehan, estudante sira ne’ebé atu tuir ezame nasionál hamutuk 51,188 nune’e estudante sira ne’ebé rejista tuir ezame iha tinan kotuk hamutuk 56 mill resin nunee halo persentajen ba estudante sira ne’ebé tuir ezame iha tinan 2026 nia tuun kompara ho tinan kotuk.
“Dalabarak estudante sira inisiu anu ne’e sira hotu hotu rejistu ba eskola maibe ba too iha desimu primeiru no segundu anu atu final balun ho situasaun la di’ak sira sai ekonomia mos bele la apoia sira ida nee impaktu ne’ebé halo estudante sira la mai eskola, too agora laiha iha informasaun klaru ita atu hatene maibé husi dadus ita hatene katak estudante sira la partisipa ezame nasionál” dehan Sekretáriu Estadu Domingos Lopez.
Jornalista: Silvino Freitas
