Dili 16 October de 2026 (I-klik info) – iha loron Komemorasaun Liberdade Imprensa ba dahaat no loron Balibo Five ba 51, sai momentu importante, hodi fó omenajen ba jornalista sira ne’ebé sakrifika sira-nia vida iha luta ba libertasaun Timor-Leste, no fó apresia ba jornalista profisionál sira ne’ebé kontinua kontribui ba dezenvolvimentu nasaun hodi kombate Disinformasaun.
Prezidente Interina Konsellu Imprensa, Suzana Cardoso, hateten, Iha komemorasaun tinan 2026, sira mós hato’o agradesimentu ba jornalista no profisionál média sira ne’ebé, maski hasoru limitasaun oioin, kontinua hala’o sira-nia knaar atu produz informasaun ba komunidade no sosiedade, hodi ajuda sidadaun sira atu foti desizaun ho informasaun ne’ebé loos.
“Ha’u husu ba malu sira ne’ebe la konsege marka presensa iha seremonia ida ne’e ba ami hato’o. Tatoli de’it liuhusi kanar ne’ebe ke ita hotu hotu halo kanar, halo profisaun espere katak, imi nia kondisaun di’ak salvasaun nafatin ba imi no keta haluha aprende nafatin ho ita nia kontribuisaun ba disinformasaun no misiinformasaun liuhusi notisia sira neebe produz ho kualidade no Profisional etika no valor ne’ebe a’as no ita iha mudansa ba aprende husi mudansa mundu nia ne’ebe akontese hatene katak ita boot sira husi munisipiu ne’e limitasaun ba rekursu sira entaun ida ne’e sai hanesan obstákulu bo’ot ida ba ita boot sira keta haluhan esperansa no vokasaun ne’ebe jornalista sai hanesan esperansa boot no fo motivasaun boot atu nafatin esperitu kontinua halo kanar hanesan profisional jornalismu. Dehan Prezidente Interina Konsellu Imprensa Suzana Cardoso ba jornalista sira iha igreja motael farol.19/10.
Nia dehan ba malu sira ne’ebe husi munisipiu Dili, la bele haluhan katak tempu komemorasaun Estrategia balibo Five no mos iha selebrasaun ba Loron Nasional Liberdade Imprensa hanoin hikas fila fali maluk jornalista sira ne’ebe mate no kontribui no luta ba liberta rai doben timor leste.
“Iha tempu ida ne’e tenke kontinua hametin sira nia espiritu luta ida ne’e oinsa fo sai ita nia notisia sira bele fo matenek ba ita nia komunidade sidadaun timor oan sira kore sira nia aan husi kiak no mukit Ita la bele fo sala ba jornalista sira no ba media sira nia partesipaun laos katak preparasaun maibe ida ne’e ida idak nia preokupasaun ba halo notisia no espera katak oras ida loraik sira bele ba partisipa” dehan Suzana
Alende ne’e nia mos dehan Kompara ho balibo five diferente tanba jornalisa sira lori husi ne’e entaun ba konsentra iha fatin ida deit entaun sira foku ba programa no atividade sira ne’ebe realiza maibe iha Dili ka la konsentra sira iha fatin ida entaun ema idak ida tenke hanoin preokupa atividade no servisu diariamente ne’ebe sira halao iha profisaun jornalista.
“Maibe ida ne’e faz parte ida husi selebrasaun loron Liberdade Imprensa. Loron Nasional Liberdade Imprensa ida idak ne’e ami rekoinese duni katak fai lansu tanba hau mos oin, responsabilidade boot ida atu tuir metapreza, depois hato’o diskursu ofisial iha selebrasaun oras ida nia entaun ha’u ladun tau atensaun maibe ida ne’e fai lansu tekniku husi ami nia ekipa sira liuliu husi konsellu imprensa nian Ai-funan iha duni, preparasaun ida, maibe sira haluhan tiha atu lori mai no funcionario sira ne’ebe responsavel atu korek ai-fuan ne’e mak, dehan kareta mos la iha, entaun ida ne’e mak sai hanesan preokupasaun ba misa ida ne’e ladun iha komunikasaun entre funcionario sira mak ladu la’o”, dehan nia
Prezidente Interina Konsellu Imprensa Suzana, informa iha Marsa loron Liberdade Imprensa ida ne’e Jornalista sira ladun partisipa maximu maski hasoru obstákulu hirak ne’e, selebrasaun ne’e kontinua sai momentu importante atu hametin solidariedade entre jornalista sira, promove liberdade imprensa no haforsa kompromisu ba produsaun notísia ne’ebé profisionál, étiku no responsável.
Jornalista: Joanina Casimiro
