Dili, 8 de Setembro de 2026(I-Klik.info): Negosiasaun fronteira maritima entre Timor Leste ho Indonesia ba dala haat, Indonesia husu atu remata diskusaun iha fulan Dezembru tinan ne’e iha Singapore ne’ebé lidera fali husi Timor Leste rasik.
Primeiru Ministro Xanana Gusmão informa, husi enkontru ne’ebé halo iha Jakarta Indonesia Timor Leste ho Indonesia, halo diskusaun kona-ba fronteira maritima nian, maibe kona-ba fronteira terestre seida’uk bele finaliza tanba husi parte rua sei iha diskorda ho segementu balun iha area fronteira terestre nian, maibé kona-ba fronteira maritima nian Indonesia husu atu hakotu negosiasaun iha fulan Dezembru tinan ne’e, lideradu husi Timor Leste rasik, tanba nee enkontru negosiasaun ba dala lima sei realiza iha Singapore.
“Kona-ba fronteira terestre seida’uk, iha Singapore ne’e mak ita haree took mais ita sei prepara” informa Xefe Governo Xanana Gusmão hafoin fila husi Indonesia iha aeroportu internasional Prezidente Nicolao Lobato, (8/9).
Entretantu, negosiasaun fronteira maritima ne’e pedidu husi estadu Indonesia nune’e Timor Leste apresia ho inisiativa refete nunee realiza kedas enkontru dahauluk negosiasaun ba fronteira maritima iha tinan 2025, nunee dadaun diskusaun ba dala haat ona hahu enkontru hahu iha fulan agostu tinan 2025 primeiru enkontru iha Dili segundu enkontru iha Jogjakarta terseiru iha Singapore no ba dala haat nee iha Jakarta.
Jornalista: Silvino Freitas
