Dili, 7 Setembru 2026 (Iklik.Info)- Timor-Leste sai uma nain ba sesaun komite rejionál ba dala-79 organizasaun mundial ba saude (OMS-WHO), ba rejiaun sudeste Aziátiku (WHO-SEARO), ne’ebe organiza hosi Ministériu Saude.
Primeiru-Ministru Xanana Gusmao dehan, hahu ohin loron membru-estadu sira ne’ebe subliña importánsia husi solidariedade, responsabilidade no asaun koletiva atu hasoru dezafiu iha área saúde nian, haforsa sistema saúde, hamenus dezigualdade sira no haforsa moris-diak no moris saudavel iha nivel rejiaun.
Primeiru-Ministru husu ba membru-estadu sira atu tau ekuidade iha asaun ba saúde nian, objetivu komún katak “laiha ema ida mak simu negasaun ba oportunidade ba moris saudavel tan de’it fatin ne’ebé nia moris, fatin ne’ebé nia hela, ka saida mak nia bele selu.” Dehan Primeiru Ministru liuhosi nia diskursu iha salaun CCD, segunda-feira, 07/09.
Primeiru-Ministru subliña, destaka importánsia atu rezolve problema determinante sira ba área saúde sira, inklui nutrisaun ne’ebé di’ak, bee ne’ebé seguru, saneamentu no edukasaun, no husu atu proteje servisu esensiál sira, hodi hetan apoiu ba traballadór nia saúde no dirije rekursu sira ba nesesidade importante ne’ebé seidauk kompletu.
Partisipante hosi serimónia refere maka hanesan Vise-Primeiru Ministru, Ministru Koordenadór ba Assuntu Sosiais, Eng. Mariano Asanami Sabino, Diretór-Jerál OMS Dr. Tedros Adhanom Ghebreyesus, Membru Governu da-9, Ministru saúde sira no ofisiál superiór sira hosi Bangladexe, Butan, Índia, Maldivas, Sri Lanka, Koreia-Norte, Nepal, no Tailándia, Deputadus, Diretór Jerál no Nasionál MdS, Polisia Nasional Timor-Leste (PNTL), no membru governu sira.
Jornalista Umbelina dos Reis
