Dili, 7 Setembru 2026 ( i-kilik.news) Ohin Timor-Leste simu Lider Saude Sira husi reijiaun Sudeste Asiatico nian hodi halibur hamutuk hamutuk durante Loron 4 hodi diskuti hamutuk prioridade prinsipal ba Saude publika nian no haforsa sistema Saude iha Timor-Leste.
Ministra Saúde (MS) Repúblika Demokrátika Timor-Leste (RDTL), dr. Élia A. A. dos Reis Amaral, SH, akompañada hosi Vise-Ministru ba Operasionalizasaun Ospitál, dr. Flávio Brandão Mendes de Araújo, hala’o abertura ba Sesaun Komité Rejionál Organizasaun Mundiál da Saúde (OMS) ba Rejiaun Sudeste Aziátiku (WHO-SEARO) ba da79, ne’ebé hala’o iha Centru Konvensaun Dili.
“Ida ne’e hanesan onra no priviléjiu estraordináriu ida hodi simu ita-boot sira iha okaziaun ne’ebé di’ak liu iha Sesaun Komisaun Rejional OMS nian ba Sudeste Aziatiku ba da-79. Hodi Ministeriu Saude (MdS) no Governu Timor-Leste (TL) nia naran, ha’u hato’o ami-nia parabéns ne’ebé di’ak liu no ami-nia hospitalidade ba imi ida-idak”, hateten Ministra Saude Elia Amaral iha ninia Diskursu.
Elia hato’o agradesimentu kle’an ba Komisaun Rejionál no nia Estadu-Membru sira tanba fó knaar ba TL atu simu asembleia prestijiozu ida-ne’e. Ami haraik-an tebes tanba imi-nia konfiansa ba ami-nia nasaun, no kontinua iha komitmentu atu promove ambiente ida-ne’ebé konduzivu ba diálogu rejionál ne’ebé signifikativu no transformativu
MS mós hato’o apresiasaun kle’an ba Primeiru-Ministru (PM) RDTL, Sua Exelensia Kay Rala Xanana Gusmao, ne’ebé nia lideransa kontinua sai nu’udar pilár fundamentál ba dezenvolvimentu nasionál.
Partisipa iha serimónia ne’e maka; Vise-Primeiru Ministru, Ministru Koordenadór ba Assuntu Sosiais, Eng. Mariano Asanami Sabino, Diretór-Jerál OMS Dr. Tedros Adhanom Ghebreyesus, Membru Governu da-9, Ministru saúde sira no ofisiál superiór sira hosi Bangladexe, Butan, Índia, Maldivas, Sri Lanka, Koreia-Norte, Nepal, no Tailándia, Deputadus, Diretór Jerál no Nasionál MdS, PNTL, Funsionáriu no Seluk-seluk Tan.
Jornalista Filomena da Conceicao & Umbelina dos Reis
