Dili, 3 de Setembro 2026 (I-Klik.info)- Polísia Nasionál Timor Leste (PNTL) liuhusi Diresaun Servisu Investigasaun Kriminal (DSIK) halo operasaun flarante delito iha area Kolmera kontinua sobu rede atividade Scaming hodi detein sidadaun estranjeiru nain 6.
Portavoz Polísia Suprentidente Xefe João Belo dos Reis liuhusi konferénsia imprensa iha ba jornalista sira informa katak, orseik kalan purvolta tuku 7 polísia nasionál ho ekipa konjunta halo operasaun iha area Kolmera hodi deteka katak atividade krime organizadu internasional halao tan iha area refere, nune’e husi intervensaun flagrante delito ne’e konsege detein sidadaun estranjeiru nain 6 ho evidensia ne’ebé halo aprensaun maka laptop 7, komputador 5 telemovel 15, starlink 2, router 1, tablet 1, karreta 1, pasaporte 7.
“Depois halo tiha identifikasaun polísia nasionál Timor Leste lori kedas supeitu sira mai kuartel jerál hodi halo identifikasaun no detein kedas iha sela komandu munisípiu Dili nian” informa Portavoz Polísia Suprentidente Xefe João Belo dos Reis iha komandu jeral PNTL Kaikoli, (3/9).
Nia informa tan, kazu flarante delito ne’e DSIK rejista ona ho numeiru uniku krime 0337/2026 PNSIK, nune’e husi suspeitu nain 6 ne’ebé kaptura nain 2 antes ne’e involve uluk ona ne’ebé polísia kaptura ona iha area Kolmera, maibe depois aprezenta ba tribunál maibé tanba evidensia la sufisiente tribunál liberta hikas, maibé orseik kalan sira repete hikas atividade nunee husi suspeitu nain 6 nain rua kaptura uluk ona.
“Ita nafatin konsulta ba prosesu normal ba prosesu hotu ne’ebé ita halo ita sempre konsulta ho ministeriu públiku espera katak sira bele hetan asaun ne’ebé regirozu ba sira” konklui Portavoz Suprentidente Xefe João Belo.
Jornalista: Silvino Freitas
