Dili, 3 de Setembro 2026 (I-Klik.info)- Kazu Omesidiu ba sidadaun timoroan feto ida ne’ebé akontese iha Wetaba Munisípiu Covalima Tribunál Judisial Primeira Instansia (TJPI) Suai, liuhusi primeiru interogatoriu aplika ona prizaun preventiva ba arguido nain 4 ne’ebé Diresaun Servisu Investigasaun Kriminal (DSIK) detein iha loron hirak liu ba, nune’e kazu refere antes ne’e polísia nasionál rejistu ona ba ministeriu públiku ho numeiru rejista kazu 0016/26.CVSUI.
Portavoz Polísia Suprentidente Xefe João Belo dos Reis informa, sira hetan ona kontaktu husi pesoal polísia sira ne’ebé koloka iha ne’ebá katak sira nain 4 ne’ebé detein ba kazu omesidiu refere liuhusi desizaun tribunál primeiru interogatoriu aplika ona prizaun preventiva, tanba iha indisius forte ba sira nain 4 involve iha kazu omesidiu refere.
“Ami hein delegasaun kompeténsia atu sei de’it maka hatene informasaun no koñesimentu ba asaun krime refere ami sei investiga klean liu tan hodi bele hatene paradeiru moris ka mate husi alin feto agora sei lakon hela” informa Portavoz Polísia Suprentidente Xefe João Belo dos Reis iha Komandu Jerál Polísia Kaikoli,(3/9).
Suprentidente Xefe João Belo klarifika, relasiona membru polísia balun ne’ebé involve iha krime refere maka hein de’it dezisaun husi tribunál nune’e mos prosesu disiplinar mos hahú lao ona ba membru sira ne’ebé involve iha asaun refere, nune’e membru sira ne’ebé involve ho individua nune’e sira rasik responsabel ba sira nia hahalok.
Jornalista: Silvino Freitas
