Dili, 13 Agostu 2026 (IKlik.info)-Ministro Obras Públika (MOP) Samuel Marcal klarifika, kompaña sira ne’ebe abandona projetu husi parte governu sei haree sira nia problema karik iha problema sosial mak sei rezolve maibe kompaña hirak ne’ebe abandona tanba laiha vontade atu servisu ka hakaas an atu aprende maka sei kansella hotu naran kompana too diretor sira, nune’e sei enkamina hotu naran ba aprovizionamentu hotu atu labele tuir tan projetu governu nian.
“Laos iha obras-publika de’it fo ba ministeriu hotu para hatene, agora sira ne’ebe mak abandona tanba iha problema sosial ruma ne’ebe ita bele rezolve ita bele komprende, husi ministeriu buka tenta para hodi rezolve problema sira nian, no projetu sira ne’ebe abandona maioria projetu konstrusaun” dehan MOP Samuel Marcal iha salaun Delta-Nova Dili, (13/08).
Entretantu Diretor Jeral Administrasaun Finansas MOP João Amaral, informa projeitu sira ne’ebe dadaun ne’e projeitu sira neebe husi ministeriu obras-publika ne’ebe implementa hela iha terenu hamutuk 829 projeitu nunee orsamentu ba projeitu ne’e hamutuk 111 miloens husi projetu refere iha projeitu balun ne’ebe abandona.
“Purvolta 4% nune’e total projeitu abandona nee purvolta 40 too 50 ami la mensiona kompaña nia naran iha ne’e maibe kompaña sira iha ne’e karik favor bele aselera tiha para projeitu ne’e labele abandona” dehan Diretor Joao Amaral iha salaun Delta-Nova Dili, (13/08).
Nia konklui, impaktu husi abandona projeitu ba afeta ba pakote fiskal ministeriu nian hodi halo todan pakote fiskal nune’e ministeriu atu halo projeitu foun labele tanba orsamentu ba kada tinan tenke gasta hotu maibé tanba husi abandona projeitu sira implika mos ba planu ministeriu nian.
Jornalista: Silvino Freitas
