Dili, 13 Agostu 2026 (IKlik.info)-Liuhusi sorumutu ho seitor privadu iha salaun Delta Nova Ministériu Obras Públika (MOP) Samuel Marçal dehan, nia hetan ona orientasaun husi primeiru ministro Xanana Gusmão ba nia gabinete ne’ebé nia infoma ona primeiru ministro Xanana Gusmão atu labele tomana ho projeitu single source tanba la eduka seitor privadu atu aprende, nune’e tenke obriga seitor privadu sira atu bele tuir tenderizasaun iha projetu sira.
“Uluk hau dehan hanesan ne’e maun dehan husik ita investe lai sira seida’uk prontu, agora tinan 24 ona ita seida’uk prontu beibeik entaun hau dehan ona ita para ona ho buat ida atu fo fo de’it” dehan MOP Samuel Marcal iha salaun Delta Nova Dili, (13/08).
Nune’e ministru obras publika Samuel Marcal informa, husi desizaun hapara projeitu single source ne’e primeiru ministro Xanana Gusmão mos konkorda ona nune’e iha tinan oin laiha ona projeitu single source, nune’e atu hetan projeitu ruma tenke tuir tender hodi kompete ba vaga projeitu sira nune’e bele hatene fallansu kada kompaña sira.
“Buat at ida iha ita nia kultura mak dehan hau bele hau bele mais ita fo tiha hakarak de’it mak persen ita dehan easy money maibe ne’e la eduka ita sai emprejariu ne’ebé di’ak tenke esforsu, balun dehan nusa mak fo de’it sim fo tanba nia bele halo ita boot hau la fo ona tanba ita boot hatene faan de’it” tenik MOP Samuel Marcal.
Jornalista: Silvino Freitas
