Dili, 13 Agostu 2026 (IKlik.info)-Liuhusi sorumutu ho seitor privadu iha salaun Delta Nova Ministériu Obras Públika (MOP) Samuel Marçal dehan, primeiru ministro Xanana Gusmão tau atensaun masimu tebes ba seitor privadu tanba seitor privadu importante tebes iha seitor hotu hotu la’ós atu halo riku maibé parte ida seitor privadu atu hamutuk ho governu hodi dezenvolve nasaun.
“Kuandu seitor privadu forte mak ita sirkulasaun ekonomia di’ak mak ita bele ko’alia produsaun iha ne’e iha ne’ebá tanba seitor privadu” dehan MOP Samuel Marcal iha salaun Delta Nova iha ambitu sorumutu ho seitor privadu, (13/08).
Nia dehan tan, dadaun ne’e iha seitor privadu mak fo servisu ba joven sira nune’e mos joven sira ne’ebé servisu iha rai liur mos seitor privadu iha rai liur mak fo servisu mak fo servisu ba sira, nunee husi parte governu laos hanoin atu fo de’it projetu maibé atu investe mos ba seitor privadu oinsa bele kria investimentu seluk atu loke empregu ba joven sira.
“Ho seitor privadu mak tenke halo inovasaun no dezenvolve produtu lokal sira atu esporta ba liur ne’e ita kria emgregu makaas, bainhira kuandu seitor privadu forte reseitas makaas ba estadu selu taxa badinas ita la depende ona ba iha fundu petroleo ita haree nasaun seluk hanesan Singapore sira laiha rikeza naturais maibé sira depende ba taxa husi seitor privadu sira ida ne’e importante tebes ba ita” dehan MOP Samuel Marcal.
Jornalista: Silvino Freitas
