DILI, 01 de Outubru de 2026(I-Klik.info)-Komunidade afetadu ba eviksaun iha suku Kampung Alor hamutuk uma kain 105 no família 805 fulan tolu ona seida’uk hetan kompensasaun ba sira hela fatin ne’ebé governo Sekretáriu Estadu Terras Propriedade (SETP) Sekretáriu Estadu Asunto Toponimia no Organizasaun Urbana (SEATOU) no Obras Públika, nune’e autoridade lokal suku Kampung Alor husu ba governu atu aselara direitu kompensasaun ba komunidade afetadu sira.
Portavoz komunidade afetadu Edmundo Ximenes de Sá dehan, iha loron 23 fulan juñu sira uma kain 105 halo dialogo ho parte relevante sira hanesan Terras Propriedade, Sekretáriu Estadu Asunto Toponimia no Organizasaun Urbana (SEATOU) Ministériu Obras Públika (MOP) atu hamamuk fatin iha loron sanulu nia laran nunee depois hamamuk tiha sira ba check iha konta bakaria kona-ba prosesu indiminizasaun nian, nunee sira koopera tanba hakarak halo dezenvolvimento maibe hafoin despezu too dadaun nee halo ona ba fulan tolu maibe sira la hetan kompensasaun ba sira nia hela fatin.
“maibe ami afetadu sira halo ona fulan tolu ami ba nafatin tanba Terras Propriedade mak dehan projeitu nia nain entaun ami ba neeba maibe sira dehan dokumentu laloos entaun ami halo tuir hotu loos hotu maibé sira vinga ba vinga mai too prosesu la lao, entaun sira mos husu parte afetadu nia tulun atu ba husu iha parte Minisiteriu Finansa no KAFI nia fatin entaun ami fahe malu lao hodi kria mos kode vendedor kuaze fulan rua ami lao no sira parte relevante dehan dokumentu laloos ami halo loos fila fali” dehan portavoz komunidade afetadu Edmundo Ximenes de Sá ba jornalista sira iha Kampung Alor Dili, (30/9).
Edmundo dehan tan, parte relevante kontinua promete ba sira tama ona iha prosesu KAFI maibe besik fulan tolu ona maibé rezultadu laiha dokumentu sira halo loos hotu ona maibe prosesu atu hetan kompensasaun nee mak halo terus uma kain 104 populasaun ne’ebé kompostu husi labarik ferik katuas estudante hamutuk 805 neebe durante nee sira nia moris tinan 20 resin iha Kampun Alor, nune’e afetadu sira balun agora iha Metinaro balun aluga uma no uma kain ida mak agora nafatin mantein iha fatin ne’ebé governu halo tiha ona eviksaun tanba laiha forsa atu aluga uma no afetadu balun oan la eskola tanba momentu sira nia nesesidade iha fatin ida ne’e.
“Total komunidade 805 estudante universidade iha 200 labarik kiik hanesan SD iha 100 resin SMP SMA 200 hamutuk 500, sira paradeiru agora balun iha Metinaro balun iha Baucau balun iha Likisá balun aluga uma too balun agora terus hakarak atu fila fali mai maibé ami koopera nafatin ami hein too fulan ida nee mak laiha rezultadu ami sei halo asaun hasoru governu” tenik komunidade afetadu Edmundo Ximenes de Sá.
Xefe Suku Kampung Alor Estela Aleixo hateten, Komunidade antes ne’e sira sobu tama ona fulan tolu seidauk hetan indiminizasaun husi governu no autoridade lokal la hatene prosesu ne’e to’o iha ne’ebé ona entaun to’o agora sira seidauk hetan sira nia direitu husi governu ba totál komunidade uma kain hamutuk 104 no balun aluga de’it uma no komunidade mos hatoo kestaun nee ba autoridade lokal tan nee governu tenke tau atensaun ba afetadu sira ne’e.
“Tuir ha’u hatene fatin ida tun ba kraik ne’e diretamente ba iha teras propriedades mak prosesa bu’at sira ne’e to’o ohin loron, tamba komunidade sira seidauk besik atu hateten ba ha’u no horseik asuntu ne’e levanta Parlamentu Nasionál to’o sira seidauk hetan sira nia direitu tama ona fulan tolu” dehan xefe suku Kampung Alor Estela Aleixo ba jornalista sira iha nia kna’ar fatin Suku Kampung Alor.
Sefe Suku Estela dehan tan, nia mak lideransa lokal iha suku refere rekomenda ba governu ne’ebé relvante ba prosesu refere atu aselera prosesu kompensasaun ba komunidade afetadu uma kain 105 ne’ebé governu halo tiha ona eviksaun ba sira nia hela fatin tuir prazu ne’ebé governu promete ona ba komunidade sira.
Jornalista: Silvino Freitas
