DILI, 01 de Outubru de 2026(I-Klik.info)-Komandu Polísia Nasionál Timor Leste Munisípiu Dili kontinua lansa intelejensia no patrullamentu hodi monitoriza sidadaun estranjeiru ne’ebé hela no halo atividade iha teritorio nasionál, hodi kombate atividade Scam Call Center.
Komadante Munisípiu Dili Komisariu Assitente Orlando Gomes dehan, komandu munisípiu Dili hamutuk ho servisu intelejensia no patrullamentu kontinua halo kontrolu iha Dili laran ba atividade scaming ne’ebé dadaun nee kontinua la’o iha munisípiu Dili nune’e komandu kontinua lansa intelejensia no patrullamentu hodi monitoriza no komandu mos fo ona formatu ba KPK OPS atu kontinua rekolla dadus hodi atualiza no monitoriza atividade scamin ne’ebé dadaun ne’e la’o.
“Rekolla dadus sei lao hela depois ita enkontru atividade primeira semanal mak sira foin aprezenta dadus atu ita bele kontrola iha munisípiu Dili ne’e ema estranjeiru ema estranjeiru sira ne’ebé mak mai hela iha ita nia rain tenke kontrola iha sira nia hela fatin bairu rasik hodi kontrola mos sira nia tividade saida mak sira halo” dehan Komadante Munisípiu Dili Komisariu Assitente Orlando Gomes ba jornalista sira iha eskuadra Dom Aleixo Aimutin, (1/10).
Entretantu autoridade seguransa liuhusi Polísia Nasionál Timor Leste (PNTL) Diresaun Servisu Investigasaun Kriminal (DSIK) kontinua sobu no kaptura sidadaun estranjeiru sira ne’ebé halo atividade scamin iha munisípiu Dili, nunee orkalan mais ou menus tuku hitu kalan DSIK halo tan kapturasaun ba sidadaun estranjeiru nain 4 ba atividade scaming iha Otel Golgota neebe kontinua halo aprensaun ba evidensia sira hanesan telemovel no osan.
Jornalista: Silvino Freitas
