Xefe Estadu Maior, Jeneral Forsa Armada F-FDTL, Tanente Jeneral Domingos Raul “Falur Rate Laek” hateten, dame iha Timor-Leste la’ós rezultadu husi dekretu, maibé prosesu ne’ebé presiza harii no mantein liuhusi estabilidade, disiplina no responsabilidade koletiva. Memória rezisténsia tenke kontinua transmite liuhusi edukasaun, formasaun no partilha esperiénsia husi veteranu ba jerasaun foun.
“Dame iha Timor-Leste la’ós rezultadu husi dekretu, maibé prosesu ne’ebé presiza harii no mantein liuhusi paz estabilidade, disiplina, responsabiliza ba koletiva,” dehan, Tenente Jeneral “Falur Rate Laek”, bainhira sai orador iha semináriu nasionál hodi komemora aniversáriu FALINTIL ba dala 51, iha salaun UNTL, Caicoli, kuarta-feira, 26/08.
Tenente Falur apela ba estudante universitáriu, juventude no foinsa’e sira atu estuda istória rezisténsia nia ho rigor no hanoin kritiku, tanba patriotizmu iha tempu oin la’os de’it liuhusi kilat, maibé mos liuhusi responsabilidade iha estudu, servisu no respeitu ba ema seluk.
“Patriotizmu iha tempu ohin la’os de’it liuhusi kilat, maibé mos liuhusi responsabilidade iha estudu, servisu no respeitu ba ema seluk.” Nia konklui.
Jornalista Umbelina dos Reis
