4 Setemberu 2026 I-klik.news – Operasaun ne’ebe hala’o husi ekipa Diresaun Servisu Nasionál Kriminal (DSIK), deteta no sobu tan rede scamming ne’ebe hala’o husi sidadaun Xineza sira.
Operasaun ne’ebe hala’o hahu husi oras tuku 22:00 kalan iha loron3 Setembru indentifika sidadaun Xineza nain 6, hala’o hela atividade scamming, hodi uza aplikasaun sira iha laptop, destop no mobile sira.
Tuir dadus ne’ebe ekipa i-klik news akumula, hetan mobile liu 10, komputador besik 10 (laptop ho desktop), simcard 100 resin, ne’ebe soe iha uma leten, starlink ne’ebe uza hodi liga ba internet tolu.
Iha prosesu identifikasaun ba suspeitu nain neen, sira laiha pasaporte ka pasaporte entrega ba ajensia ne’ebe bolu sira mai.
Ekipa i-klik bainhira halo entrevista ho ema ne’ebe serbisu iha scam call center, nia dehan nia hela iha Timor-Leste fulan 10 ona, “hau hela iha ne’e fulan 10 ona, hau nian pasaporte iha ajensia, hau hasoru sira dala ida deit”.
Operasaun ne’ebe ekipa DSIK hala’o kuaze oras 3 nian laran, hodi regista hotu ekipamentu no identidade nain neen, nune hodi entrega ba Ministeriu Publiku, hodi halo prosesu julgamentu iha Tribunal.
Hafoin identifika hotu, suspeitu nain neen, ne’ebe envolve iha atividade ilistiu scamming lori kedas ba Quartel Jeral PNTL Kaikoli, hodi kontinua ba prosesu identifikasaun tuir Lei.
To’o ohin loron, PNTL konsege detein 600 resin iha capital Dili, ne’ebe hala atividade online scam iha Hotel, Vila, Apartement no uma aluga.
Tuir informasaun ne’ebe I-klik news hetan katak, rede mafia ne’ebe serbisu iha scam call center bele to’o 11.000
