Dili 27 de Agostu (iklik.info)- Akademista Anteiro Bendito hato’o rekomendasaun ba Centro Nasional Chega (CNC), atu re-estrutura CAVR hodi verifika didiak dadus Timor-oan ne’ebe mate durante luta 24 anos tanba dadus balun seidauk kompletu.
“Ha’u dehan dadus lalos tanba Sira hakerek deit iha ne’eba dehan katak Timor oan hamutuk 183 mil mate tanba hamlaha entaun sira mate tiru, oho, no lori lakon ne’e hira fali, signifikan dadus la kompletu presiza halo lolos”, dehan Anteiro ba Jornalista iha kampus UNTL Kaikoli, kuarta 26 -08
Akademista ne’e hateten, hadia dadus Timor-oan mate ne’e la’os dehan atu lori fila general sira husi Indonesia ka Australia sira ne’ebe uluk apoiu Indonesia hodi funu hasoru Timor-oan ne’e, hodi tuir julgamentu maibe CNC tenke tau istoria ne’ebe loos hodi nunee rai ba jerasaun foun sira tuir mai.
“Ha’u hanoin estadu tenke loke komite investigador halo ona investigasaun maibe la foku ba asuntu ne’e maibe, istoria barak liu ba beiala Sira ne’e hotu entaun barak liu, ha’u hanoin presiza halo loos dadus ne’e, hau hanoin re organiza CAVR no re-estrutura hodi tau buat ne’ebe lolos ne’e”, Nia rekomenda
Hau laiha dadus ba Ema mate maibe Hau hatene katak Ministeiru MACLM ne’ebe halo ona peskiza ba Uma lisan sira atu halibur tuir dadus entre 1975-1999 nee ema Timor nian Hira mak mate ba luta durante 24 anos ne’e, no mate tanba razaun saida sira tenke rekoilla.
“Hau rona sei parsial de’it sira dehan katak numero dalaruma bele boot liu fali, maibe rekoillamentu ne’ebe Ministeiru veteranu halo ne’e, tanba funu ema hahoris foun laiha, tanba funu ne’e ema halo bebe bele mate no hetan abortus simplesmente ema laiha atu hahoris ba asuntu ida ne’e sira la foti.”, Nia Esplika
Jornalista: Filomena da Conceicao
