Dili, 18 de Agosto 2026 (I-Klik.info)-Governador Nusa Tengara Timur (NTT) Indonesia husu kompaña Aero Dili atu loke tan rute aviaun nian antre Dili Kupang no kontinua ba Darwin, maibe kompaña Aero Dili dadaun ne’e iha aviaun rua ne’ebe semo ba nasaun lima nune’e oras la too atu bele semo tan rute ne’ebe dadaun ne’e governador Kupang husu, maibe ho serteza katak kompaña Aero Dili sei esforsu neineik atu bele sosa tan aviaun ida hodi bele hatan ba rute ne’ebe governador NTT husu.
Nain ba kompaña Aero Dili Lourenco de Oliveira dehan, governador NTT konvida nia hodi ko’alia kona-ba rute aviaun Aero Dili hodi semo entre Dili Kupang too Darwin, maibe tanba kompaña iha aviaun rua de’it nune’e labele kobre ne’ebe governador husu, maibe nia husu ba governador atu bele hein tinan oin sira bele aumenta tan aviaun ida para bele semo tan ba Kupang maibe governador hakarak semo sedu labele.
“Hau fo dalan ba governador iha Indonesia nee iha kompaña boot rua iha Garuda no Lyon Group, sira bele semo Kupang Dili Darwin ka bele semo Kupang Labuanbajo Darwin, ida ne’e governador mak husu hau purenkuantu hau labele” dehan nain ba kompaña Aero Dili Lourenco de Oliveira iha Timor Plaza, (18/08).
Nain ba kompaña nee serteza katak sei bele aumenta aviaun ida hodi semo duni maibe la’os urjente hanesan situasaun ne’ebe governador NTT husu, nune’e neineik tanba atu semo ba nasaun ida ba nasaun seluk nee tenke iha bilateral agrement, tanba dadaun nee Aero Dili iha aviaun rua de’it nune’e labele cover fatin rua ne’e, tanba dadaun ne’e aviaun rua ne’ebe iha ona sei semo ba China Singapura Indonesia Malaysia Australia labele fahe oras atu bele opera hotu.
“Se tinan oin Maromak tulun ita aumenta tan aviaun ida entaun ita bele semo tan ba Kupang, semo de’it ba hanesan Oecusse nee bele mais semo ba ema nia nasaun nee iha buat barak mak ita trata para bele semo ba ne’eba” Lourenco salienta.
Nain ba kompaña Aero Dili mos ho konsensia rasik tanba dadaun nee iha hela rute terestre ne’ebe kobre husi Bus balun, nunee nia lakohi hamate nia maun alin sira ho bus neebe dadaun ne’e rute Dili Kupang ho via terestre, atu bele negosiu bele sae hamutuk ida ne’e konsensia, nune’e iha serteza katak bele sosa tan aviaun hodi rute ba Dili Kupang too Darwin maibé neineik.
Jornalista: Silvino Freitas
