Dili, 18 Agosto 2026 (I-Klik.info) – Relasiona kazu insidente ne’ebé komete husi oknum membru Polísia Nasionál Timor Leste (PNTL) ne’ebé tiru joven Silvano Gomes to’o lakon vida iha suku Irabin de Baixo Postu Adminitrativu Uatucarbau Munisípiu Vikeke, Asosiasaun HAK konsidera hapara ema nia reasaun ho bala musan ne’e laos sentidu posetivu maibe asaun ne’ebé brutalizmu.
Diretor Asosiasaun HAK Feliciano Araújo dehan, hafoin restaura indepedénsia Asosiasaun HAK fo ona formasaun baziku ba instituisaun PNTL atu iha konesimentu baziku kona-ba direitu umanu nian, tanba ne’e akontesimentu iha Vikeke ne’e la’ós asidente maibe konsidera katak tenke haree didi’ak violasaun refere tanba intervensaun husi ajente sira ba insidente ruma husi faze ba faze tanba kuandu bala musan lian ona ba ema nia isin ne’e faze ikus liu.
“Bala musaun ne’e kuandu ezekuta karik ba leten agora ita ezekuta ona ba ema sentidu katak onkum PNTL ne’e la professionál, signifika katak atusaun la hatudu ona sentidu katak ajente ne’e professionál tanba saida mak tenke uza bala ida ne’e, ohin hau nia intervensaun nao repetida tanba saida mak repete tan, ita lori bala musan ne’e atu tiru ita nia maluk sira ne’e tenke hanoin didi’ak” tenik Diretór HAK iha Faról, (18/08).
Nia informa tan, laos de’it kazu Vikeke maibe kazu seluk ne’ebé akontese ona antes ne’e iha Delta ho Kuluhun no seluk tan lori oknum sira hodi senti katak lori bala musan hodi rezolve hakalma ema nia reasaun ne’e maka bala musan maibé nee HAK konsidera la’ós sentidu posetivu maibé konsidera asaun brutalizmu tebes, nune’e labele pendente kazu insente refere ne’ebé akontese beibeik ona.
“Kuandu pendente beibeik iha tempu ida sosiedade Timor ne’e la augenta ona buat ne’e sei aumenta boot liu, bele la respeita ona instituisaun PNTL bele mos laiha konfiansa ona ba ita nia ajente sira bele mos lakon kredibilidade husi instituisaun ne’e rasik ne’e ema bele hateten di’ak liu taka tiha de’it” informa Diretór Feliciano.
Jornalista Silvino Freitas
