Fokupers servisu hamutuk ho Centro Estudo de Genero, Diversidade no Inclusao, UNTL, hala’o atividade sensibibilizasaun ho Tema “HAMUTUK ASSEGURA KAMPUS SEGURU, LIVRE HUSI VIOLÉNSIA BAZEIA BA JÉNERU” ba Estudantes Sira husi Fakuldade Eduksaun, Filozofia, no Siensia Umanas
Iha atividade sensibibilizasaun ne’e Rio Araujo nu’udar Ofisial Advokasia iha Fokupers esplika ba estudantes sira katak tenke barani atu hatoo denunsia ba rede referal sira banhira hetan violensia bazeia ba jeneru Ka violensia oioin husi manorin nain sira
“Ha’u hanoin objetivu importasai husi atividade ne’e, servisu hamutuk entre Fokupers ho UNTL, iha tinan 2 liu ba kotuk, ita asina memorandu ida atu asegura Estudante sira forma husi violensia sira hanesan violensia bazeia ba jeneru iha kampus entaun komemorandu ne’ebe asina atu hatan ba objetivu sira husi Estudante no manorin nain sira atu atu Estudante bele live husi violensia bazeia ba jeneru Ka asediu seksual Sira ne’ebe akontese.”, hateten Rio ba Jornalista sira iha kampus au auditorium Liseu, kuarta/ 19/08.
Nia esplika, atividade sensibibilizasaun ne’e atu ajuda konesimentu estudante sira nian iha mekanismu referal, banhira iha kazu asediu akontese iha instituisaun atu estudante bele buka justisa tuir sistema rede referal ne’ebe iha atu bele tuir prosesu kriminal.
“Treinamentu ne’ebe atu ajuda estudante sira atu sira bele komprnde klean liu kona-ba prosesu mekanismu de denunsia tanba kazu barak akontese no atudante sira hakarak halo prosesu denunsia maibe iha bareira balun ne’ebe sira hasoru mak hanesan tauk lakon volor, depedensia de orientasaun no poder sira sai hanesan bareira” Nia esplika
Nia alerta katak, Asediu seksual ne’ebe akontese iha publiku dalabarak ema hanoin katak, Asediu seksual ne’e Laos krime, maibe keta hanoin katak Asediu seksual ne’ebe akontese iha forma ne’ebe diferente iha natureza balun katak Asediu seksual maibe iha balun katak koasaun seksual ka abuzu seksual ne’ebe akontese ho poder tanba dalaruma sira uza poder no kbiit hodi hamosu abuzu seksual.
“Asaun ne’ebe fokupers hala’o ho estudante sira maka atu sosializa no fahe informasaun ho estudante sira atu sira hatene prosesu mekanismu denunsia iha prosesu disiplinar no kriminal nian atu sira bele hatene hodi denunsia sira nia problema tuir rede referal ne’ebe iha”, dehan Rio
Entretantu, Fokupers sai rede referal ne’ebe forte tebes iha organizasaun Sosiadade Sivil no husi governu sira no prontu atu salvaguarda estudante ka sidadaun hotu ne’ebe hetan violensia ho forma oioin ne’ebe akontese iha eskola ka iha sosiedade nia leet.
