DILI, 16 de Outubro de 2026 (I-KLIK.INFO)-Liuhusi diskursu enseramentu ba feira komemorasaun loron nasional liberdade imprensa Primeiru Ministro Xanana Gusmão konsidera knaar média jornalista sira halo importante tebes hodi lori informasaun ba públiku atu hatene programa governu nian no desizaun husi polítika públika ne’ebé foti husi parlamentu nasionál maibé ho prezensa artificial intelligence ne’ebé sai muda maneira atu hetan informasaun no fahe informasaun ne’ebé média infrenta notísia falsa video manipuladu no husi informasaun ne’ebé AI kria hodi bosok povu.
PM Xanana Gusmão dehan, media iha papel importante hodi sai ponte entre governu no Povu, no fó oportunidade ba sidadaun atu hato’o sira-nia preokupasaun, governu tenke simu pergunta no krítika ne’ebé bazeia ba faktu, krítika konstrutiva bele ajuda Governu atu hadi’a servisu no responde ba povu ninia nesesidade iha tempu hanesan, jornalista mós tenke verifika informasaun, respeita étika profisional no hato’o notísia ho loloos.
“Liu husi informasaun, povo bele hatene programa governu nian, desizoens husi Parlamento no problemas sira ne’ebé afeta komunidade” dehan PM Xanana Gusmão iha diskursu ba enseramentu feira komemorasaun loron nasional liberdade imprensa iha CCD, (16/10).
Maibé nia mos preokupa ho prezensa artificial intelligence ne’ebé eziste ona iha mundu teknolojia teknolojia dijital, rede sosial no Inteligênsia Artifisial, muda ona maneira ita hetan no fahe informasaun, teknolojia fó oportunidade ba jornalista atu halo peskiza, analiza dadus, maibé, ita mós hasoru dezafius, hanesan notísia falsa, vídeo manipulado no informasaun ne’ebé AI kria atu habosok públiku.
“Tanba ne’e, jornalista labele haré ba velocidade de’it, loloos, kredibilidade no responsabilidade maka tenke sai prioridade” solisita PM Xanana.
Jornalista: Silvino Freitas
