DILI, 13 Outubru 2026 (Iklik Info) – Ministériu da Saúde (MS) ohin apela ba komunidade tomak atu halo medidas preventiva kona-ba ahi-suar ne’ebé daudaun ne’e Timor-Leste hasoru.
Tuir diretor jeral Servisu Koperativu Narciso Fernandes hateten, Apelu ne’e hasai hafoin Diresaun Nasionál Meteorolojia no Jeofízika (DNMG) rejista kualidade ar to’o 76 Microgram. Nível ne’e tuir padraun Organizasaun Mundiál Saúde (OMS) nian tama ona iha kategoria risku La Saudável ba Grupu Sensível
Tuir MS, poluisaun ne’e rezulta husi ahi-han rai ne’ebé akontese iha Indonézia, ne’ebé lori anin ahi-suar mai territóriu Timor-Leste.
Maske situasaun ne’e la hamenus atividade hanorin nian no eskola sira nafatin nakloke, ita presiza matan-moris. Ida ne’e sai matan-dalan ba mekanizasaun saúde OMS nian,” hateten komunikadu husi MS.
“Apelu ba Grupu Vulnerável, Ministériu Saúde ho naran Ministériu nian husu liu-liu ba grupu vulnerável sira atu kuidadu-an hanesan, Labarik ki’ik, Bebé no inan isin-rua, Ferik no katuas, ema ho moras pulmaun medida tenke halo preventiva liuhusi , uza máskara wainhira sai ba li’ur, hamenus atividade iha li’ur ne’ebé la nesesáriu, uza ókulu bainhira konduz motór, taka odamatan no janela wainhira poluisaun maka’as, hakbesik-an ba sentru saúde wainhira iha sintomas hanesan: difikuldade dada-iis boot, matan mean ou katar, isin manas no sofre kurasaun ruma”, Nia apelu
MS hamutuk ho OMS no DNMG sei kontinua monitoriza situasaun ambientál no sei fó atualizasaun foun karik iha mudansa ruma.
Ikus liu, Ministériu husu ba populasaun tomak atu labele paniku no tuir nafatin mata-dalan sira ne’ebé guia ona.
Jornalista; Filomena Conceicao
