Dili, 26 de Setembru – Ministeiru da Saude (MS) Realiza Media Briefing ba Jornalista sira husi media nasional, imprime no media online hodi faslita informasaun ba Jornalista sira hodi garante kobertura ne’ebe kualidade no seguru ba enkontru Sesaun 79 Komite Reizional WHO ba Asia Sudeste (CR79), ne’ebe sei realiza iha loron 7-10 Fulan Setembru, ne’ebe sei hetan partisipante 90 husi delegasaun husi nasaun Sira.
Iha Media Briefing nee, Diretur Geral Servisu Koperativu, Narciso Fernandes hatete, objetivu importante husi inkontru ne’e atu aprezenta progressu ba moras sira ne’ebe akontese iha Timor-Leste no nasaun sira seluk liuliu ba moras Tuberkuloje (TB) ne’ebe sei hetan partisipante 90 husi delegasaun nasaun husi reiziaun Sudeste Asiatico.
“Objetivu husi enkontru ne’e mak ami fiar katak media sei apoiu hodi fahe rezultadu enkontru Sira ne’ebe ami sei halo bazeia ba rezolusaun no desizaun sira ne’ebe ami halo para oinsa nasaun sira bele aprezenta iha sira ida-idak nia rai no nasaun hodi mellhora prestasaun servisu no politika neebe liga ba Saude nian iha Global no reizional” hateten, Narciso ba Jornalista sira iha eskritoriu OMS , Kaikoli, kuarta/ 26/08.
Nia esplika, inkontru ne’e, inkontru ne’ebe mak ho nivel alto sira husi rejiaun Asiatico nian, inkontru ne’e hahu depois de asembleia mundial saude husi OMS, ba desizaun ka rezolusaun sira ne’ebe maka halo iha asembleia mundial saude ne’ebe sei adopta iha inkontru mundial Arsi ne’ebe Mak sei Mai, i desizaun no rezolusaun sira ne’ebe mak hasai iha sede mundial ne’e nasaun Sira husi estadu de Membru oinsa bele adopta sai nasaun ida.
Nia aprezenta, Inkontru refere sei ka’olia liu kona-ba progresu servisu n durante tinan1 ne’ebe sira sei aprezenta servisu sira ne’ebe koalia liu kona-ba moras tuberkuloje (TB) no moras sira seluk ne’ebe Timor-Leste no nasaun seluk enfrenta, no sei koalia mos kona-ba governasaun, planu no orsamentu sira liga ba servisu husi OMS nian.
Governante ne’e apela ba Jornalista sira husi media hotu ne’ebe hola parte ba kobertura enkontru CR79 ne’ebe sei realiza iha loron 7-10 fulan ne’e, atu hatudu servisu transparante no Profisionalismu hodi garante informasaun ne’ebe kualidade no kredivel ba publiku sira, tanba Jornalista mak matan no tilun ba Ema hotu.
“Iha inkontru ne’e ami nafatin enkoraja media sira atu nafatin foti informasaun no apoiu ba informasaun hodi kontinua divulga ba ita nia komunidade sira atu sira bele akompaina husi media sira” Nia esplika
Jornalista: Filomena da Conceicao
