Dili, 18 Agosto 2026 (I-Klik.info)-Diretor Asosiasaun HAK Feliciano Araújo dehan, HAK servisu tinan naruk ona iha dezde tempu resistensia nian iha asuntu prizaun no iha tempu resistensia servisu barak liu kona-ba prizioneiru politiku nian maibe iha tempu ukun an HAK kontinua halo servisu hamutuk kolaborasaun entre reklozu sira ne’ebé simu ona pena no sei penaliza ho sosiedade sivil inklui guarda prizional sira, nunee HAK sempre hamutuk ho reklozu sira hodi realiza atividade amijade no fraternidade nune’e iha 30 agostu tinan ne’e sei realiza tan ho reklozu sira hodi komemora loron konsulta popular.
“Hau fiar katak rede prizional ida maluk barak mak dervisu ba ne’ebá balun fo atendimentu formasaun, asistensia legal balun fo asitensia saúde iha ne’ebá” dehan Diretór HAK Feliciano de Araújo iha salaun HAK Faról, (18/08).
Nia dehan tan, rede prizional sira organiza malu atu bele tulun prizaun tolu nune’e bele estabele sentru ba juvenil sira, nune’e durante ne’e relatóriu husi rede prizional hatudu laiha torturasaun ba reklozu sira tanba dadur sira tama iha prizaun atu halo retensaun ba sira nia kulpa maibé kuandu tempu too sai sempre haree malu hanesan família tanba prizaun fatin atu refleta hodi labele repete tan sala sira.
Nune’e, HAK mos iha espetativa ida katak husi formasaun no asistensia husi rede prizional sira katak loron ida sei taka hotu prizaun sira tanba servisu rede prizional sira sei fo konsensia ba ema atu labele hamosu tan krime no maskí la taka maibé bele hamenus priozioneiru sira.
“Hau nia espetativa prizaun taka hotu signifika ema hotu hotu iha konsensia ona la halo tan buat sira hanesan ne’e ita nia hakarak ida ne’e” dehan Diretór HAK Feliciano de Araújo.
Fatin hanesan Diretor Diresaun Nasionál Servisu Prizional Interino husi Ministériu Justisa Deometrio dos Santos reforsa tan, formasaun sira ne’ebé organiza husi HAK ne’e parte ida atu kapasita guarda prizional sira hodi eleva konesimentu nune’e bele partilla ba dadur sira, dadur sira ne’ebé halo sala sira kumpri ona sala maibé husi formasaun sira ne’ebé simu iha prizaun laran hodi sai hanesan bukae nune’e bele hadi’a sira nia futuru iha sosiedade.
“Prizaun Suai komesa halao ona ne’ebé iha soldadura produz batako iha karpintaria tunu paun hotu, iha parte legal nian ita nafatin fo observasaun ba malu liga ho sira nia kastigu ne’ebé iha laran ita sempre observa husi parte asistensia legal husi prokurador jeral, defensoria publika mos sempre partisipa iha ne’ebá” dehan Diretor Diresaun Nasionál Servisu Prizional Inrerino husi Ministériu Justisa Deometrio dos Santos iha salaun HAK Faról.
Nune’e, Diretor ne’e prefere atu labele akontese resividiz iha prizaun tanba iha nasaun seluk ida ne’e mak sempre akontese barak maka tama tiha prizaun sai tama fila fali de’it prizaun nune’e presiza halo redusaun ba resividiz kuandu ida ne’e mak menus maka rede sira hako servisu neebe di’ak, tanba iha nasaun seluk hanesan Australia Portugal sira husu numeiru resividiz ne’e boot tebes.
“Iha Timor Leste resividiz foin nain 19 entaun resultadu mak dalaruma ita nia guarda sira mak la fo asistensia di’ak, haree sira la di’ak hanorin la di’ak ne’e mak sira sai mai sira halo nafatin” konklui Diretór Interino Deometrio.
