Dili, 07 de Outubro 2026 (I-Klik.info)-Komisaun Anti Korupsaun (KAK) sensibiliza anti korupsaun ba jornalista na’in 40 kompostu husi husi media jornal, televizaun no online inklui media estatal Ajensia Notisioza TATOLI Institutu Públiku (TATOLI, IP), Radiu Televizaun Timor-Leste Empreza Públika (RTTL, EP), sira atu iha kapasidade hodi kontribui ba transparansia, integridade no responsabilidade, bazeia iha lei númeru 7/2020, 28 Agustu kona-ba Medida Prevensaun Kombate Korrupsaun
Objetivu husi sensibilizasaun ne’e mak atu hasae konesimentu jornalista sira kona-ba papel KAK nian ba prevensaun Korrupsaun husi lei númeru 7/2020 MPCC, nune’e KAK hamutuk ho midia bele prevene no kombate korrupsaun, nune’e Tema ba sensibilizasaun ne’e mak “Hasae konesimentu no kapasidade jornalista sira hodi kontribui ba transparénsia, integridade no responsabilizasaun”.
Komisáriu Komisaun Anti Korrupsaun (KAK) Rui Pereira dos Santos, hateten, sensibilizasaun ba jornalista halo ona ba dala rua ida mak iha 2015 iha eis Komisariu Salamarua nia lideransa no no dadaun nee iha nia lideransa tinan 2026, sensibilizasaun tan atu hasae konesimentu jornalista sira bele komprende serbisu sira KAK tuir kriasaun lei KAK no lei MPCC no utilizaun termu jurídiku sira.
“Jornalistas sira nudar formandus iha sensibilizasaun durante loron ida ne’e atu jornalista sira bele iha konhesimentu iha seitor justisa, materia ne’ebé mak bele no labele publika, no presija halo konfirmasaun ba fontes kredibel sira iha asuntu prevene no kombate korrupsaun nian” dehan Komisariu KAK Rui dos Santos iha Salaun PAM Dili Matadouru, (07/10).
Komisariu KAK Rui agradese tamba konvite ne’ebé KAK fo sai ba media nasional sira kuaze haruka ninian jornalista sira mai tuir formasaun loron tomak nian, tanba média mak iha oportunidade atu halo publikasaun no investigasaun di’ak ba kazu sira ne’ebé relevante ho servisu KAK nian.
“CAC mesak, nia labele halo buat ida oinsa simu no partilha informasaun. Maibe, ita boot maluk media sira mak sai matan no tilun ba Comissão Anti-Corrupção nian,” nia dehan.
Komisáriu Rui hateten, odamatan KAK nian nakloke iha oras 24 ba jornalista sira atu hato’o keixa atraves komunikasaun direta no indeireta ba investigadór sira nian no liuhusi keixa online ne’ebé mak jornalista sira hetan iha terenu.
“Atu nune’e ita hotu-hotu hamutuk hodi prevene no kombate korrupsaun,” konklui Rui.
Jornalista: Silvino Freitas
