Dili, 24 de Setembro de 2026 (I-Klik.info) Sekretáriu Estadu Kooperativa (SEKoop) servisu hamutuk ho Bali Honey sei halo produsaun hakiak Banin hodi produz bani-been iha munisípiu 5, tanba produsaun ba bani-been dadaun ne’e depende hela ba natureza nune’e nia kuantidade produsaun sei menus.
Diretór Delegasaun Munisípal husi SEKoop Rui Soares dehan, produsaun bani-been dadaun nee iha hela prosesu nia laran nune’e SEKoop halo ona parseiru ho Bali Honey ne’ebé halo ona survey ba munisípiu lima ne’ebé sai prioridade, dadaun ne’e grupu sira hahú halibur no balun sei lori ba iha SEKoop hodi tuir mos expozisaun ne’ebé sei realiza iha CCD.
“Kuantidade dadaun ne’e ita seida’uk hakiak maibé adapta de’it ba natureza ne’ebé depende ba udan been, karik udan been diak ita kolleta ho di’ak no esperénsia kolleta iha tinan kotuk iha Laclubar kada kolleta ne’e jerigen 50 too 100 maibé iha tempu bailoron nia menus tanba depende ba aifunan labele produz aihan para produz banin” dehan Diretór Delegasaun Munisípal husi SEKoop Rui Soares iha edifisiu SEKoop Acait, (23/9).
Nia dehan tan, dadaun ne’e SEKoop mos halao hela parseiru ho Bali Honey ne’ebé sira mai ona dala rua ba etapa tolu nian no produtor sira mos observa ona fatin iha munisípiu lima maka Ermera, Likisá, Manatuto, Aileu no Bobonaro atu hakiak banin hodi produz bani-ben nune’e produsaun beni-been nee sei hamutuk ho ekipa kooperativa sira hodi sai kooperativa ba futuru produsaun beni-been.
