Dili 27- Agustu 2026 (iklik.info) – Oxfam iha Timor-Leste realiza media briefing ho Asosiasaun Jornalista Timor-(AJTL) no jornalista sira husi media nasional, imprime no media online hodi relata servisu Oxfam nian durante iha Timor ba asuntu justisa klimatika, ekonomia no justisa jeneru.
Iha abertura ne’e Direktor Pais Oxfam iha Timor-Leste, Pankaj Anand hateten Oxfam Australia iha nian kompromisiu hodi kontinua serbisu no apoiu Oxfam iha Timor-Leste, hodi implemtan estratejia nasaun nian husi tinan 2025 – 2030, ne’ebé hatuur Oxfam nia vizaun ba Timor-Leste ne’ebé Justu, Sustentável no Inkluzivu”, dehan Pankaj Iha sentru advokasia Oxfam iha Hudi laran.
Nia esplika, Sesaun ne’e mos hanesan oportunidade ida ba jornalista sira atu envolve diretamente ho Tierney, husu pergunta no esplora prioridade no parseria sira Oxfam nian iha Timor-Leste.
Iha fatin hanesan, Xefe Ezekutivu Oxfam Austrália Jennifer Tierney hateten Oxfam tau prioridade ba priorodade sira hanesan empoderamentu ekonomia no seguransa ai-han ba projetu dezastre nian
” Ha’u kontete tebes bele reprezenta Oxfam Australia, hodi vizita Oxfam iha Timor-Leste kona-ba asuntu sira ba kona-ba mudansa Klimatika no empoderamentu ekonomia, justisa jeneru no mos segurasan ai-han”, dehan Jennifer
Nia sublina Timor-Leste sei efrenta problema empoderamentu ekonomia, tenke servisu hamutuk ho mmedia sira, tanba Media iha papel importante tebes ba sosiedade, hodi habelar informasaun sira liuliu ba issu mudansa klimatika, igualidade jeneru no issu seluk ne’ebe iha TL enfrenta.
Tuir ha’u nia observasaun ba servisu Oxfam iha Timor-Leste diak tebes, tanba projetu sira implementa foka ba feto, hetan impaktu direita ba feto maluk sira, hodi empodera feto sira seluk
Iha fatin hanesan Presidente Asosiasaun Jornalista Timor-Leste, Zevonia Vieira hateten ba AJTL kolaborasaun ne’ebe Oxfam iha Timor-Leste ho Media halo nee importante tebes, hodi halo advokasia ba asuntu justisa klimatika, ekonomia no justisa jeneru, nune’e bele tulun fo sai informasaun sira ne’ebe afeta tebes ba komunidade sira nian moris, no sai informasaun ne’ebe governu bele uza hodi buka solusaun, no kontinua promove igualdade jeneru.
“Ohin Oxmaf komvida Asosiasaun Jornalista no media sira mai tuir briefing ba estrategia sira ne’ebe Oxfam uza durante ne’e ba justisa Klimatika, ekonomia no jeneru”, dehan Zevonia
Nia esplika media iha papel importante hodi foka sai kona-ba asuntu ne’ebe pertinente tebes, ba asuntu feto no ema ho difisiensia ne’ebe sai vuneravel liu atu Sira bele sobrevive no halo adaptasaun ba mudansa Klimatika nian.
Jornalista: Filomena da Conceicao
