Dili, 07 de Outubro 2026 (I-Klik.info)-Hafoin Komisaun Anti Korupsaun (KAK) prosesa kazu Mission Operation Payment (MOP) ka osan subsidiu viajen lokal nian iha instituisaun estadu sira hanesan Minisiteriu Interior, Sekretáriu Estadu Igualidade no Ministeriu Administrasaun Estatál halo numeru ema viola regra viajen hahu menus, maibé seidauk lakon tanba iha instituisaun seluk KAK la konsege halo inspesaun ba atividade viajen lokal sira.
Liuhusi sensibilizasaun anti korupsaun ba jornalista Komisariu KAK Rui dos Santos dehan, viajen lokal husi funsionáriu estadu nian antes nee publiku la kontesta ba kauza ruma maibe iha ninia mandatu problema kiik sira liga ho viajen lokal nian mos tama hotu keixa nune’e KAK halo hotu prosesu, nune’e kazu viajen lokak ne’ebé akontese iha Ministeriu Interior, Sekretáriu Estadu Igualidade nomos iha Ministeriu Administrasaun Estatal nee finaliza ona kazu ne’ebé liga ho osan viajen nian, nune’e to’o dadaun ne’e kazu ne’ebé liga ho osan viajen iha tinan ida nee seida’uk iha kazu ruma.
“Dezde ita prosesa kazu ne’e ohin loron ema ba viajen tenke hatene ba loron 3 simu osan loron 3 ba fila kedas simu osan loron sorin nian ba loron ida simu loron ida nian” dehan Komisariu KAK Rui dos Santos iha ambitu sosializasaun servisu KAK ba jornalista sira iha salaun PAM Dili Matadouru, (7/10).
Nia dehan tan, hafoin prosesa funsionáriu públiku iha instituisaun tolu ne’e numeiru ema viola regra viajen hahú tun maibé seidauk lakon tanba KAK seidauk halo inspesaun ba MOP iha instituisaun estadu hotu maibé kazu ne’ebé investiga uluk ona nee sai hanesan referénsia ba funsionáriu públiku sira atu kumpri regra ba viajen lokal.
“RTTL mos uluk iha problema MOP nee RTTL fo tiha ona maibe instituisaun ne’ebé konvida ita boot sira ba fo tan dupla tanba nee mak uluk sira ba hatan hau komisariu sei lembra hela problema sira hanesan ne’e” nia konklui.
