Reporter Filomena da Conceicao
Relasiona ho akontesimentu ne’ebé akontese iha loron Sábadu 15 Agostu-ne’e, hale’u tuku 08:30 Otl, oknum Polísia Nasionál Timor-Leste ho inisiál MG uza arma branka (Pistola) tiru matebian Silvano Gomes iba Irabin de Baixo, Watucarbau tanba konduz motor la uza kapasete hodi rezulta Silvano Gomes hakotu ona is iha Hospitál Nasionál Guidu Valadares hafoin halo operasaun,.
Liuhusi akontisimentu refere Provedor dos Direitus Humanus no Justisa (PDHJ), Virgilio da Silva Guterres “Lamukan” hateten, PDHJ kondena makas aktu oknum PNTL ne’ebe tiru sidaun Silvino Gomes no husu Komandu PNTL atu fo medida rigorosu ba aktu membru PNTL ho inisial MG.
“Ha’u hanoin lamentasaun grave, ha’u hanoin ida tiru ne’e laiha ema ida mak tolera, ne’e la presiza provedor mak koalia,maibe sidadaun baibain mos bele koalia, no tenke kondena Ida ne’e”, dehan Lamukan ba Jornalista siira iha Comisaun Funsaun Publika (CFP), kaikoli, Segunda, 17 /08.
Nia hatutan, Provedor kondena kualkuer uzu de poder, esensiva katak halo intervensaun ba ninia sidadaun sira, husu komandu halo invesntigasaun atu bele foti me
didas hasoru ema ne’ebe viola kodigu konduta profisionalismu PNTL nian ne’ebe la fo exemplu ba polisia sira ba entidades seluk
“Ha’u rona Presidente da Republika kondena ona sa tan PDHJ ne’ebe defende diretus umanus sempre hateten katak ultilizasaun forsa lalika kilat, liman tuku de’it mos ne’e viola ona diretus umanus sa tan tiru hateten PDHJ.
Nia esplika, Iha konduta esensial kon-ba uzu, maibe iha justifikasaun kualkuer ultilizasaun de forsa hanesan agora dadaun ita rona ne’e kondenadu, tanba uza forsa kilat estado tanba ne’e, PDHJ kondena hahalok Ida ne’e .
“Hau husu ba comando ho rigor nomos to ikus responsabiliza elementu Ida ne’ebe mak halo asaun ho nunee , sentido kondolensia ba Vitima nia familia, husu ba PNTL atu mantein responsabiliza hodi uliza lei no orden no kroat, ne’ebe hasoru ita nia povu, kroat ne’e ita uza atu hasoru ema ne’ebe ameasa estadu no ameasa ita nia povu”, PDHJ husu.
Jornalista; Filomena da Conceicao
