Díli, 10 Agostu 2026 (Iklik.info)–Komisáriu Komisaun Anti-Korrupsaun (Sigla Portugués-CAC) atualiza ba Prezidente Repúblika (PR) José Ramos-Horta kona-ba progresu servisu instituisaun nian, inklui área investigasaun kriminal, prevensaun, kooperasaun no dezenvolvimentu infraestrutura, ne’ebé mos inklui kazu investigasaun balun ne’ebé seidauk la’o di’ak.
Komisáriu Komisaun Anti-Korrupsaun, Rui Pereira dos Santos, hatete, ohin hasoru nain Prezidente Republika hodi informa servisu Komisaun Anti-Korupasaun ninia, Tanba Prezidente durante ne’e akompaña maibé CAC nia tempu atu hasoru Prezidente iha tinan kotuk la konsegue, maibé ohin konsegue hasoru hodi atualiza servisu CAC nian.
“Ami informa ba nain Prezidente Republika kona-ba servisu CAC ninia, tantu iha área investigasaun kriminal, tantu iha área prevensaun ninia no mos área kooperasaun ninia, informa mos dezenvolvimentu infraestrutura CAC ninia, dezeñu edifisiu CAC nian ne’ebé la’o hela,” dehan Komisáriu Komisaun Anti-Korrupsaun, Rui Pereira dos Santos, ba Jornalista sira iha Palásiu Prezidensial Bairo-Pite, Segunda 10/08.
Nune’e mos nia informa ba xefe estadu kona-ba kazu balun ne’ebé maka la’o ladun di’ak, ne’ebé media sira mos hatene saida maka la’o ladi’ak, entaun update ida ne’e ba prezidente mos, maibé ne’e fila fali ba prezidente horsida karik media ruma bele husu.
“Ami informa de’it servisu ne’ebé maka la’o di’ak no mos iha servisu balun ne’ebé la’o ladun di’ak ne’e iha servisu investigasun kriminal ninia, ne’e hanoin maluk media sira hatene ona katak Prezidente talves iha informasau,” nia subliña.
Maibé mos ohin Komisáriu mai refreksa fila-fali ba Prezidente Republika kona-ba kazu sira ne’ebé avoka husi Prokurador Jerál Republika (PGR). Tanba Prezidente Republika maka nomeia no fó posse ba PGR, ho ida ne’e maka mai informa ba Xefe Estadu.
Tanba ne’e Komisáriu mos iha esperansa katak ba oin ne’e CAC, Ministeru Publiku, PCIC, Polisia sira no instutisaun estadu sira tenke servisu hamutuk atu dezemvolve rai ne’e ba oin la’os atu trava malu.
Jornalista: David da Costa
