Reportajen Silvino Freitas
Prezidente Autoridade Munisípiu Dili Francisco dos Santos dehan, lider komunitaria sira iha autoridade tomak kuandu iha deskonfiansa ruma tenke halo komunikasaun di’ak ne’ebé importante atu bele husu autorizasaun hodi bele halo kontrolu iha kualker uma ne’ebé de’it tanba ema boot kiik no mos veteranu ho militar boos sira nia uma, nune’e imoportante tebes líder komunitaria sira bele fahe lalais informasaun ba OPS suku sira atu bele haree kazu sira ne’ebé parte autoridade sira deskonfia ho kazu maior ka minor karik atu bele iha asaun ruma ba kazu sira ne’e.
“Hau hatene katak ita boot sira iha meius oioin hamutuk ho OPS sira atu bele halo prevensaun no mitigasaun atu buat ne’e labele akontese atu nakloke ba públiku atu sai ba maior” dehan PAM Dili Francisco dos Santos iha enkontru ho líder komunitaria iha komandu PNTL munisípiu Dili, (03/08).
Nia dehan tan, OPS sira hamutuk ho sefe suku lia nain ho joven sira atu halo patrullamentu liuhusi kria grupu ruma atu bele halo operasaun hodi kontrola suku laran la paresiza halo operasaun boot husi PNTL, tanba ita boot sira maka iha obrigasaun dever no moral boot iha bairu laran servisu hamutuk halo operasaun konjunta atu nune’e la presiza komandu PNTL iha operasaun boot ne’ebé ema hotu hotu atu hatene ida nee mak bolu prevensaun minor nee iha ne’ebá nune’e kazu kiik sira iha bairu laran labele evolui sai boot iha suku laran.
“OPS sira nia prezensa iha ne’ebá la’ós sai hanesan ameasa maibé sai parseiru atu buat ruma sefe suku sira liga lalais, labele haree OPS ne’e hanesan buat kiik tanba OPS ne’e mak liman ain PNTL nian iha kraik kedas haree sira hanesan ita nia família buat ruma hatoo kedas” dehan PAM Dili Francisco dos Santos.
Nia dehan tan, sefe suku no OPS sira tenke sai mediador ba kazu kiik sira iha bairu laran nune’e tenke kria mekanizmu ida hodi media kazu minor sira atu nune’e kazu kiik sira labele relata hela deit ba PNTL atu nune’e evita PNTL sira halo asaun hasoru joven sira konflitadu tanba kauandu iha tempu okupadu maka informasaun tama derepente polísia sira halo kapturasaun ba joven ka ema sira ne’ebé halo konflitu mate kiik tiha mak moris fali, nune’e kazu kiik sira bele rezolve de’it iha suku laran.
